jueves, 22 de diciembre de 2011

lunes, 19 de diciembre de 2011

Novas do Canal Tea

Viernes, 16 de Diciembre de 2011
Os nenos de Ponteareas falan en directo con Papá Noel
Os escolares de Ponteareas mantiveron hoxe unha charla, en rigoroso directo a través de video conferencia con Papa Noel. Os nenos e nenas de Ponteareas puideron, xunto con nenos doutros concellos galegos, pedirlle directamente os seus agasallos para estas festas de nadal.
A videoconferencia e a comunicación en tempo real uniu Laponia, terra natal de Papá Noel e onde, como todo o mundo sabe, ten a súa fábrica de xoguetes, coa rede de aulas de comunicación multimedia dispersa pola xeografía galega entre elas a que se atopa no Centro de Desenvolvemento Local de Ponteareas.
Os nenos e nenas de Ponteareas gozaron desta charla directa con Papá Noel ao mesmo tempo que outros nenos doutros concellos galegos, feito que a videoconferencia fai posible.
O obxectivo desta actividade promovida pola rede CeMIT, era o de establecer unha comunicación fluída e cara a cara entre Papá Noel e os nenos destas comarcas, poucos días antes da Noiteboa, cando se atendan as peticións de agasallos de todos os nenos do mundo. Este é o quinto ano consecutivo que se desenvolve esta iniciativa que conta cunha grande aceptación entre os nenos e nenas.